User:Diderot/Inuit mythology
Jump to navigation
Jump to search
ᐊᖓᔪᖅᑳᑉ ᐅᖃᐅᓯᒃᓴᖏᑦ 120 - 2(2): ᒐᕙᒪᒃᑯᑦ ᑎᒥᖁᑎᖏᓐᓄ ᑎᑎᖅᑲᐃᑦ ᓂᕆᐅᒋᔭᐅᕕᖃᕐᓂᖏᓐᓄᑦ
ᐊᖓᔪᖅᑳ ᓕᐅᓇ ᐊᒡᓗᑳᖅ: ᖁᔭᓐᓇᒦᒃ, ᐅᖃᖅᑎ. ᓈᒻᒪᓯᑉᐸᑦ ᐅᓪᓗᒥ ᓴᖅᑭᖅᓯᓂᐊᖅᑐᖓ "ᑎᑎᖅᑲᓂᒃ ᓂᕆᐅᒋᔭᐅᕕᖃᕐᓂᖏᓐᓄᑦ" ᑕᓪᓕᒪᓄ ᓄᓇᕗᑦ ᒐᕙᒪᒃᑯᖏᑕ ᑎᒥᖁᑎᖏᓐᓄᑦ; ᖁᓪᓕᖅ ᐆᒪᖅᑯᑎᓕᕆᔨᒃᑯᑦ, ᓄᓇᕗᑦ ᓯᓚᑦᑐᓴᕐᕕᒃ, ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ, ᓄᓇᕗᒻᒥ ᓇᒻᒥᓂᖃᖅᑎᐅᔪᓄ ᐊᑐᖅᑐᐊᑎᑦᓯᔩᑦ ᑎᒥᖁᑎᖏᑦ ᐊᒻᒪᓗ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᑦ ᑎᒥᖁᑎᖏᑦ.
ᑎᑎᖅᖃᐃᑦ ᓂᕆᐅᒋᔭᖃᕐᕕᐅᓂᖏᓐᓄ ᐱᒻᒪᕆᐅᔪᒃᑯᑦ ᐱᓕᕆᔾᔪᓯᐅᔪᑦ ᒐᕙᒪᒃᑯᑦ, ᓇᒻᒥᓂᖃᖅᑎᓪᓗᐊᑕᐅᑎᓪᓗᒋᑦ, ᑎᓕᓯᔾᔪᑎᓕᐅᖃᑦᑕᕐᖓᑕ ᑯᐊᐳᕆᓴᖁᑎᒥᓄᑦ ᒪᓕᒍᓐᓇᖁᓪᓗᒋ ᒐᕙᒪᒃᑯᑦ ᓯᕗᓪᓕᐅᔾᔨᒍᒪ.ᖏᓐᓄᑦ. ᑎᓕᓯᔾᔪᑎᖃᖅᑐᑦ ᑕᒪᒃᑮᓐᓂ ᑎᒥᖁᑎᖏᑦ ᐊᐅᓚᑕᐅᓂᖏᓐᓄᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᑐᕌᒐᖏᓐᓂᒃ ᐊᒻᒪᓗ ᐱᒻᒪᕆᐅᔪᒥᒃ ᖃᐅᔨᒋᐊᕈᑕᐅᖃᑦᑕᕈᓐᓇᓂᐊᕐᑐᑦ ᒐᕙᒪᒃᑯᑦ ᑎᒥᖁᑎᖏᑕ ᐱᓕᕆᐊᖏᓐᓄᑦ ᐊᒻᒪᓗ ᐱᔭᕇᕐᐸᓪᓕᐊᔭᖏᓐᓄ. ᒐᕙᒪᒃᑯᑦ ᓯᕗᓪᓕᕐᐹᒥ ᓴᖅᑭᖅᓯᔪᑦ ᑕᐃᒪᐃᑦᑐᓂ ᑎᑎᖅᑲᓂᑦ, ᐊᕐᕌᒍᑕᒫᑦ ᓴᖅᑭᖅᑕᐅᖃᑦᑕᕐᓂᐊᓕᖅᑐᑎ.